Fiestes Villoria tien dos fiestes añales, la primera d'elles ye'l 13 Xunu n'honor a Sanantonio. La segunda ye a metanes de Payares, la Fiesta la Castaña, na que se pue esfrutar del Amagüestu tol día y de la preba de sidra del duernu. El 6 d'Avientu cellébrase tamién una misa n'honor a San Nicolás.    Al empar, vecinos y visitantes, puen esfrutar tol día de les estremaes xeres que se faen, como dir a xintar de baldre en El Campu una Arrozá o Pote Asturianu, collaborar na marcha de BTT (Bicicletes Tou Tarrén), xugar al Burrupolu, deprender a tirar con arcu, ver el partíu de les vieyes glories, participar na procesión del santu, na Puya'l Ramu, nel concursu del tiru al platu, nel paintball, nel campionatu de parchís, nel Maratón y el Máster de Tute, o dar un boleo pel Mercáu Tradicional que se cellebra tolos años con amueses de la produición bien d'artículos, y mesmamente cola amuesa de talla con motosierra.    Aguaño la sociedá de festexos tien unos 260 socios, si quies facete sociu tendrás derechu a un Bullu Preñáu y una botella vino que se dará'l día del sociu, de la que se pague la cuota añal de 10 euros que da tamién derechu a esfrutar del baille de sociedá con acompañante.    Pa facese sociu de les fiestes contautar col númberu de teléfonu que vien darréu: 617 02 88 84